English
Русскийგულ-სისხძარღვთა დაავადებები და ინტერვენიული მედიცინა-მიღწევები და გამოწვევები(ჩვენი გამოცდილება)
2024 წლის 6 ივლისს ბათუმის სამედიცინო უნივერსიტეტ “ავიცენას” ინიციატივით და “მაღალტექნოლოგიური ჰოსპიტალ მედცენტრის გულ-სისხძარღვთა და ინტერვენციული მედიცინის ცენტრის დამფუძნებლის, ექიმ იოსებ სიხარულიძის ორგანიზებით ჩატარდა სამედიცინო კონფერენცია “ გულ-სისხძარღვთა დაავადებები და ინტერვენიული მედიცინა-მიღწევები და გამოწვევები(ჩვენი გამოცდილება)”
კონფერენციაზე განხილულ იყო თანამედროვე კარდიოინტერვენციული მედიცინის შესაძლებლობები და მეთოდები, რომლის დანერგვაც აუცილებელია რეგიონში, ასევე წარმოდგენილი იყო “მედცენტრის” კარდიოქირურგიული და ანგიოქირურგიული მიმართულებებში დამდგარი კლინიკური შემთხვევები, რომელთა განხილვამ აჩვენა ამ მიმართულებებში ჩატარებული ინტერვენციების თუ ოპერაციული ჩარევების მაღალი სტანდარტი და მოახდინა წარმატებული შედეგების დემონსტრირება.
მოწვეულ სტუმართა შორის იყვნენ :
- ნინო ნიჟარაძე-აჭარის ჯანდაცვის მინისტრი.
- მარი ზანაქიძე-ჯანდაცვის მინისტრის მოადგილე.
- ზაალ მიქელაძე-საქართველოს პარლამენტის ჯანდაცვის და სოციალურ საკითხთა კომიტეტის წევრი.
- მერაბ მამაცაშვილი-კარდიოქირურგი, მედიცინის მეცნიერებათა დოქტორი, პროფესორი.
- ზვიად ბახუტაშვილი –გულ-სისხლძარღვთა ქირურგი, მედიცინის მეცნიერებათა კანდიდატი.
- სულხან ლომინაძე-კარდიოქირურგი.
- ირაკლი გოგორიშვილი-მედიცინის აკადემიური დოქტორი და ინტერვენციული კარდიოლოგი.
- ზაზა კაციტაძე-კარდიოქირურგი, მედიცინის მეცნიერებათა დოქტორი.
კონფერენციას ესწრებოდა რეგიონის სამედიცინო საზოგადობა.
კონფერენციაზე მოხსენებები წარადგინეს 👉🏻
ჰოლდინგ მედცენტრის კარდიოინტერვენციონისტებმა: იოსებ სიხარულიძემ და გიორგი ნიკოლაიშვილმა, კარდიოქირურგებმა: გიორგი გაბაიძემ და ბაჩუკი ნაჭყეპიამ, ანგიოქირურგმა: მერაბ მიქელაძემ. მოხსენებების შემდგომ გაიმართა პანელური დისკუსია მონაწილე პირების ჩართვით, დისკუსიაში აქტიურად მოხდა განხილვა რეგიონში თანამედროვე ინტერვენციების დანერგვისთვის საჭირო ქმედებებისა, რაზედაც ჯანდაცვის სახელმწიფო სტრუქტურების წარმომადგენლების მხრიდან გამოითქვა სრული მზაობა პროცესში აქტიურ ჩართულობაზე.
ასევე დისკუსია გაიმართა სპეციალისტთა მიერ მოხსენებულ კლინიკურ შემთხვევებზე და მათ შედეგებზე, სადაც ერთხმად იქნა აღიარებული, რომ დღეს სამედიცინო ჰოლდინგ მედცენტრის ანგიოქიურიგიული, კარდიოინტერვენციული და კარდიოქირურგიული სამედიცინო სტაფისა და არსებული მატერიალურ-ტექნიკური ბაზის გათვალისწინებით, შესაძლებელია რეგიონში ურთულეს გამოწვევებზე გამკლავება, რომლის უკანაც პაციენტის სიცოცხლე დგას;
კონფერენციამ მოიპოვა წარმატება, დაადასტურა რა ჩვენი სპეციალისტების კომპეტენტურობისა და პროფესიონალიზმის მაღალი დონე.
“ჩვენმა ექიმებმა წარმოადგინეს შესანიშნავი შედეგი. მე ვამაყობ მათით. ეს შემთხვევები იმსახურებს პატივისცემას”
აღნიშნა მაღალტექნოლოგიური ჰოსპიტალის მედცენტრის დირექტორმა მედეა ქაჯაიამ კონფერენციის შედეგების შეჯამების დროს.
სამედიცინო ჰოლდინგი“მედცენტრი გამოხატავს მადლიერებას კონფერენციის ყველა მონაწილესა და სტუმრის მიმართ აქტიური მონაწილეობისთვისა და მხარდაჭერისთვის. ჰოლდინგი მედცენტრი გააგრძელებს ინვესტირებას მედიცინის განვითარებაში და ჩვენი ექიმების მხარდაჭერას სრულყოფილებისკენ სწრაფვაში.
#ჩვენიისტორიაგადარჩენილისიცოცხლითიწერება
